回覆 wan_sosin 的帖子
首先先多謝你讚我先
係我哋嘅年紀入邊，有好多人都唔明白點解要讀書，甚至覺得其實仲有其他出路，根本就唔需要努力讀。其實好多家長都會認為讀大學係必須嘅一環，而中學生就唔覺得，但係其實咁講，讀大學唔一定係唯一一條出路，但係佢係一條最簡單，而且最短嘅路。
就好似揀科咁樣，唔少家長都會想揀一啲未來出路比較好嘅科目，咁就可以揀啱大學然後入「人生勝利組」，然而學生都會比較希望可以揀自己鍾意嘅科，例如一啲鍾意文科嘅都會想揀文科，但係通常家長都會想反對佢哋。我哋都會比較少諗關於人生目標，我有好多同學暫時都未知道大個要做啲乜嘢，或者未來嘅目標係乜嘢，即使學校有安排每一級一啲生涯規劃嘅課程，依然冇用。
但係就算你逼佢哋諗起都會諗唔到，畢竟年紀都算細，仲未知道自己鍾意啲乜嘢。呢個時候我就比較建議家長會多啲同佢哋溝通，可以比一啲自己嘅意見，但係唔好強迫。畢竟小朋友條路係屬於自己嘅，佢哋嘅人生由自己選擇，作為家長或者長輩都只可以喺旁邊輔助，而唔係去「更改」佢哋條路，家長都陪唔到佢哋一世㗎嘛！
最後俾少少關於我嘅諗法，其實我同大部份家長可能諗法都一樣，都希望搵一啲出路比較好嘅路，可能因為我冇鍾意嘅嘢（？）但係我會覺得我而家去讀呢樣嘢，或者做呢樣嘢對我未來有用嘅話，我都會覺得好值得～而且每個小朋友或者家長嘅諗法都唔一樣，都要因應返佢點諗而作出行動！
希望我一個中學生可以幫到唔同家長去理解佢哋嘅小朋友～
發表於 
思想亦都好理性，叻女 
我仔今年中二放學就係學校打籃球打到六點，放學返黎食晚飯就睇電視打機，我真係極少見佢做功課溫書
返回列表
