本帖最後由 酸棗仁 於 16-5-26 02:14 編輯
一直以來, 各方面都話, 細路仔跟住媽咪係好啲. 可以咁講, 大致上, 都係啱嘅. 不過, 喺單親版出現過嘅單爸, 除去咗想上來搵第二春, 或者小朋友跟媽咪嘅, 我只見過一兩個 "唔配個人爸爸", 大部份都真係仆心仆命去照顧自己小朋友架. 但係, 佢地係因為有心, 所以先照顧小朋友; 定係因為要照顧小朋友, 而變得有心, 就唔肯定喇.
粽仔終於考完最後一次呈分試, 知道咗分數喇.
第一次呈分, 考得好好吖. 第二次, 考得更好.
上一次唔係呈分, 佢居然全班考第三, 全級第五.
今次最後一次呈分, 中文87, 英文93, 數學100(全級只有2個), 常識100. 比上次仲進步咗, 我都估唔到.
好難得, 佢冇補習, 冇做課外練習, 4年班開始全靠自己, 晚晚最多7點就收工, 都算對得住自己嘅童年喇.
早兩日去咗一間好好嘅中學面試, 照佢講嘅表現, 似模似樣喎, 絕唔比同齡考生弱.
只希望佢好好完成中學, 唔好變壞就得喇.
湊咗佢十年喇, 我從來冇因為佢成績好而超開心. 頭幾年, 仲要好嚴厲咁去幫佢修正性格, 只係呢兩年先至大講大笑咋. 不過, 我諗我同佢都會覺得係值得嘅.
至於我, 冇乜嘢吖, 冬天少咗去釣魚, 身體冇咁好; 而家開始又暖翻, 可以出動喇.
同時, 我試緊一連串好難嘅事, 最後就係"忘記乘數表". 早幾日電腦捉圍棋嬴咗人, 令我心思思, 又想再將一啲零碎嘅公式整合入電腦, 去.......
有緣就要惜福; 緣盡呢, 就要放手, 包括粽仔, 包括......
緊急求助熱線 / 中西醫藥網址 / 單親或情緒支援網址 請按我的頭像進入!
老朽若偶有行善, 只為受人恩惠太多, 嘻嘻 !
恕本人設定為不接受任何ＰＭ
發表於 
返回列表
