吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 單親天地› 我想呻下

單親天地今日: 1|主題: 18210

收藏本版

發帖

返回列表

跳至頁

查看: 3808 | 回覆: 5

我想呻下

Peanuts

男爵府

積分: 8422

2023年兔年勳章 2023勳章虎到金來勳章 2021可愛聖誕B勳章牛年勳章 2018父親節勳章 2018母親節勳章 2018復活節勳章 15週年勳章親子王國15週年勳章熱血勳章畀面勳章 BK Milk勳章 Xmas吸收勳章開心吸收勳章

發表於 04-5-12 17:31 |顯示全部帖子

我想呻下

之前我申請法律援助追前夫贍養費(佢一毫子都冇俾過), 開頭法援批左, 幫我出左封信俾前夫, 我前夫收到信後走去法庭申請減贍養費, 法援律師話如果我唔同意減就要再遞申請表, 因為一單(追贍養費)還一單(減贍養費), 上星期見左律師佢話因為我係破產人士, 要破產署批準先可以進一步行動, 但破產署回覆之條件( 1) 唔可以從我資產收取任何律師費 2) 如果輸左唔可以從我資產收取堂費等等的費用 3) 破產署有權代表我去追討 ), 佢話令佢地好難做……..(我唔明佢地點解難做), 而新申請(減贍養費)佢未批, 佢話對方的理由是合理的(收入減少並巳再結婚生仔), 我冇得反對, 可以做的只是減幾多, 但係唔係我要幾多我前夫一定俾得到? 俾唔到就算判我贏都冇用, 跟住引伸到之前的申請(追贍養費), 因為我唔知前夫而家做緊乜有幾多收入, 就算上左庭贏左都一樣收唔到錢, 咁佢話佢地幫我打官司都係用緊納稅人d錢, 所以基於上述理由而家考慮取消我的法援! 個律師重叫我去申請綜緩! 好唔開心………原來法律只係保障d有錢人! 原來想離婚時乜都應承, 跟住可以唔履行承諾, 再申請減少(我知就算減左佢都唔會俾), 完全唔使負任何法律責任! 原本都預左追唔到, 但冇諗過會係咁, 連庭都未上我巳經”輸”左!

私人傳訊

yaupuiyi

男爵府

積分: 5119

發表於 04-5-12 22:53 |顯示全部帖子

Re: 我想呻下

hi ~! peanuts,
i remember your thing about that ,
yes,i also agree your point"原來法律只係保障d有錢人! 原來想離婚時乜都應承, 跟住可以唔履行承諾","真係撐得好辛苦","被背叛被傷害的感覺一d都冇淡到, 每次提起都好痛都忍唔住喊, 我唔係對前夫有留戀……但係我都唔知點解………"so also like you ,really feel very tired .

唉~! so now you can do what ? maybe wait for your EX can win something games or mark six,then he can give you little la.

私人傳訊

MaSiLai_8

民房

積分: 5

發表於 04-5-12 23:13 |顯示全部帖子

Re: 我想呻下

Peanuts,

妳既處境, 我好明白. 如果我在妳身旁, 我希望可以比個膊頭妳靠下. 比妳一個支持既hug. 我毋需多話. 我知呢一刻, 我地如何講D理智既分析, 妳都未必聽得入腦. 妳需要既, 係情緒上既舒緩, 心靈上既止痛劑, 鎮定劑.

大家都係女人, 我地可以身同感受. 女人最痛的, 就係比一個我地曾經相信, 曾經付出既人出賣, 欺騙. 嗰種感覺, 好似個心比刀挖空一樣. 再加上經濟煎熬, 法理上種種不公平, 真叫人氣餒, 窒息. 想講話也無力.

妳可以係度留言, 己經不錯. 讓我們幫妳打打氣. 我地走得過既路, 妳一定都能.

暫時抖抖, 慢慢續步爬起身, 抬起頭. 我們在這裡為妳一同吶喊!

個衰男人唔付責任, 天會收佢. 搶人老公者, 必自食果. 刜人頭者, 人亦刜之. 個"賤"佬可以咁對妳, 遲早都會故態復萌. 相信他朝, "她" 會親身體會妳今日之痛. 天理循環, 我信架!

經濟上, 試試暫時攞綜緩, 別寄望在個"賤佬"身上. 佢呢D咁既人, 望佢件 "賤婦" 終日為佢窮, 為佢賤, 為佢縮骨而日日開片好過!!

私人傳訊

superfish

別墅

積分: 799

發表於 04-5-15 23:40 |顯示全部帖子

Re: 我想呻下

各位，請向前看，forget the pass，無舊點會有新，無壞點會有好！其實好多單親媽咪都係無靠X養費，既然都死左條心，無謂稔啦！

私人傳訊

Peanuts

男爵府

積分: 8422

發表於 04-5-17 17:11 |顯示全部帖子

Re: 我想呻下

原本我諗住辦妥離婚手續, 搬左屋就重新開始新生活, 但係我申請學費資助, 佢要我證明冇收過贍養費, 如果唔係就當我有這筆收入, 我本身要番工, 佢下下都要辦公時間去, 我都唔係好想, 之後我發覺申請公屋又要證明, 申請書簿津貼又要.............樣樣野都話要證明, 所以迫住去攪囉, 但係個結果就令我好唔開心..............我唔知點講, 雖然我一直都冇諗過會追到贍養費, 但既然去攪左追, 最後個答覆竟然係係咁, 我覺得好唔公平............

MaSiLai_8,

你講得好

私人傳訊

影子

複式洋房

積分: 421

發表於 04-5-25 02:53 |顯示全部帖子

Re: 我想呻下

我唔係咁識講野...
其實可以去d社區中心到搵d社工傾下
我最近都係由朋友介紹搵到路德會的家庭網絡組之類的野
有個姑娘負責幫我申請公屋個d
(因為我之前已經申請左綜緩)
佢會了解你的情況去幫你
不過聽聞有分地區
你住個區可能會係第二間中心 e.g.聖公會

不過贍養費1蚊都要拎
我朋友話你拎過1蚊將來都可以分佢身家

要加油喔~